سپر 8 مرحلے میں بھی اچھی کرکٹ کھیلنے کی کوشش کریں گے، سلمان علی آغا
کولمبو: (دنیا نیوز) قومی ٹی ٹوئنٹی کرکٹ ٹیم کے کپتان سلمان علی آغا نے کہا ہے کہ سپر 8 مرحلے میں بھی اچھی کرکٹ کھیلنے کی کوشش کریں گے۔
نمیبیا کے خلاف شاندار کامیابی سمیٹنے کے بعد گفتگو کرتے ہوئے قومی کرکٹ ٹیم کے کپتان سلمان علی آغا نے کہا کہ ٹیم نے اچھی کارکردگی کا مظاہرہ کیا، صاحبزادہ فرحان نے شاندار بیٹنگ اور عثمان طارق نے اچھی باؤلنگ کی۔
خیال رہے کہ آئی سی سی ٹی 20 ورلڈ کپ کے 35ویں میچ میں پاکستان نے نمیبیا کو 102 رنز سے شکست دے کر سپر 8 مرحلے کیلئے کوالیفائی کرلیا ہے۔
200 رنز کے ہدف کے تعاقب میں نمیبیا کی پوری ٹیم 17.3 اوورز میں 97 کے مجموعی سکور پر ہی پویلین لوٹ گئی، شاہینوں نے نمیبیا کے زیادہ تر کھلاڑیوں کو ڈبل فگر میں داخل نہ ہونے دیا۔
