کوئٹہ حملہ، جعفر ایکسپریس اور بولان میل کی سروس چار دن کیلئے معطل
لاہور :(دنیا نیوز) کوئٹہ ریلوے سٹیشن پر ہوئے دہشتگردی کے افسوسناک واقعہ کے بعد کوئٹہ سے جعفر ایکسپریس اور بولان میل کی سروس آئندہ چند روز کے لیے معطل کردی گئی۔
پاکستان ریلوے حکام کے مطابق کوئٹہ ریلوے اسٹیشن پر دہشتگردی کی کارروائی کے بعد کوئٹہ سے جعفر ایکسپریس اور بولان میل کی سروس 11 نومبر سے 4 روز کے لیے معطل کرنے کا فیصلہ کیا گیا ہے۔
ریلوے کے متعلقہ حکام کے مطابق جعفر ایکسپریس اور بولان میل کی سروس معطل کرنے کا فیصلہ بلوچستان میں امن وامان کی صورتحال کے پیش نظر کیا گیا ہے۔
یاد رہے کہ گزشتہ روز کوئٹہ ریلوے سٹیشن ہونے والے خودکش دھماکے میں خاتون سمیت 27 افراد جاں بحق اور 40 افراد زخمی ہو گئے تھے۔
