پی بی36 قلات: 7 پولنگ سٹیشنزپر دوبارہ ووٹنگ یکم دسمبر کو ہوگی
کوئٹہ:(دنیا نیوز) الیکشن کمیشن آف پاکستان نے بلوچستان اسمبلی کے حلقہ پی بی36 قلات میں ری پولنگ کی تاریخ کا اعلان کردیا۔
الیکشن کمیشن کے مطابق پی بی 36قلات کے 7پولنگ سٹیشنز پر یکم دسمبر کو ری پولنگ ہوگی، امن وامان کی صورتحال کے پیش نظر بلوچستان حکومت نے الیکشن کمیشن سے ری پولنگ کی تاریخ آگے بڑھانے کی درخواست کی تھی۔
واضح رہے پی بی 36قلات سے میر ضیاء اللہ لانگو کامیاب ہوئے تھے جبکہ الیکشن ٹریبونل نے پی بی 36قلات کے 7پولنگ سٹیشنز پر ری پولنگ کا حکم دیا تھا۔
