توشہ خانہ ٹو کیس کی سماعت آج اڈیالہ جیل میں ہونے کا امکان
راولپنڈی: (دنیا نیوز) توشہ خانہ ٹو کیس کی سماعت آج اڈیالہ جیل میں ہونے کا امکان ہے۔
ذرائع کے مطابق عدالتی عملے نے بانی پی ٹی آئی کے وکیل سلمان صفدر کو آگاہ کر دیا، توشہ خانہ ٹو کیس کی آخری سماعت 16 اکتوبر کو اڈیالہ جیل میں ہوئی تھی،16 اکتوبر کے بعد کیس کی سماعت 3 بار ملتوی ہوچکی ہے۔
ذرائع نے مزید بتایا کہ توشہ خانہ ٹو کیس میں شہادت، ملزمان کا 342 کا بیان اور حتمی دلائل مکمل ہوچکے ہیں،استغاثہ کے جواب الجواب داخل کرانے کے بعد فیصلہ محفوظ کئے جانے کا امکان ہے۔
