بختاور کیڈٹ کالج میں پاسنگ آؤٹ پریڈ، خاتون اوّل نے جمنازیم اور سوئمنگ پول کا افتتاح کیا
نواب شاہ:(دنیا نیوز) خاتون اوّل بی بی آصفہ بھٹو زرداری نے بختاور کیڈٹ کالج برائے طالبات میں پانچویں پاسنگ آؤٹ پریڈ میں شرکت کی۔
آصفہ بھٹو زرداری نے بختاور کیڈٹ کالج میں نئے جمنازیم اور سوئمنگ پول کا افتتاح کر دیا،اُن کا تقریب سے خطاب کرتے ہوئے کہنا تھا کہ بختاور کیڈٹ کالج بچیوں کو تعلیم، نظم و ضبط اور قیادت کے ذریعے بااختیار بنا رہا ہے۔
اُنہوں نے کہا کہ طلباء کو نظم و ضبط، احترام اور استقامت کو اپنانے کی تلقین کرتی ہوں، خاتون اوّل کی جانب سے “آرٹ اینڈ سائنس ایگزیبیشن 2025-26” کا باضابطہ افتتاح کردیا گیا۔
تقریب میں مارچ پاسٹ، پی ٹی، جمناسٹک اور کراٹے شو نے تقریب کو چار چاند لگا دیے،آخر میں آصفہ بھٹو زرداری نے
کیڈٹس میں کالج کریسٹ اور انعامات بھی تقسیم کیے۔
