صدر آصف علی زرداری آج سے عراق کا سرکاری دورہ کریں گے
اسلام آباد: (دنیا نیوز) صدر مملکت آصف زرداری آج سے 24 دسمبر تک عراق کا سرکاری دورہ کریں گے۔
جاری بیان میں دفتر خارجہ کا کہنا ہے کہ عراق کے دورے کے دوران صدر آصف علی زرداری عراقی قیادت سے ملاقاتیں کریں گے، جن میں پاک عراق دوطرفہ تعلقات کے تمام پہلوؤں کا جائزہ لیا جائے گا۔
دفتر خارجہ کی جانب سے مزید بتایا گیا ہے کہ صدر پاکستان کے اس اہم دورے میں تجارت، سرمایہ کاری، توانائی اور تعمیرِ نو کے شعبوں میں تعاون پر بات چیت متوقع ہے۔
