یورپی یونین کا دیگر ممالک سے ملکر اپنی سکیورٹی کونسل بنانے کا اعلان
برسلز: (دنیا نیوز) یورپی یونین نے دوسرے ممالک کے ساتھ مل کر اپنی سکیورٹی کونسل بنانے کا اعلان کردیا۔
یورپی کمیشن کی صدر ارسلا فان ڈیر لاین نے تجویز دی ہے کہ کینیڈا کو یورپی یونین کا پہلا ایسوسی ایٹ ممبر بنایا جائے، یہ تجویز ایسے وقت سامنے آئی ہے جب امریکا اور کینیڈا کے درمیان تجارتی کشیدگی بڑھ رہی ہے اور دونوں فریق ایک دوسرے پر تجارتی اقدامات کر رہے ہیں۔
کینیڈا اس وقت امریکا کے ساتھ تجارتی تنازع میں ہے جبکہ امریکا اس کا سب سے بڑا تجارتی شراکت دار ہے۔
دوسری جانب امریکی صدر ڈونلڈ ٹرمپ متعدد مرتبہ کینیڈا کو امریکہ کی 51ویں ریاست بنانے کی بات کرچکے ہیں، جسے کینیڈین وزیراعظم مارک کارنی واضح طور پر مسترد کرچکے ہیں۔
کینیڈا کے یورپ کے ساتھ گہرے تاریخی اور ثقافتی روابط ہیں اور اس کا پارلیمانی جمہوری نظام، یونیورسل ہیلتھ کیئر اور سماجی بہبود کے کئی پہلو یورپی ممالک سے مشابہت رکھتے ہیں، تاہم یورپی یونین کی مکمل رکنیت کے لئے بنیادی رکاوٹ کینیڈا کا جغرافیائی طور پر یورپ سے باہر ہونا ہے۔
یورپی یونین کی رکنیت کے لئے کسی ملک کی امیدواری کو تمام 27 رکن ممالک کی منظوری درکار ہوتی ہے اور اس کے بعد کئی مراحل پر مشتمل الحاق کا عمل مکمل کرنا ہوتا ہے۔
Comments / رائے دیں
Share your thoughts. Comments are reviewed before they appear publicly.
Approved Comments