عامر خان پہلی بار نئی دوست کیساتھ ہاتھ تھامے منظرِعام پر
ممبئی (شوبزڈیسک )بالی ووڈ کے مسٹر پرفیکشنسٹ عامر خان اپنی گرل فرینڈ گوری سپراٹ کے ساتھ پہلی مرتبہ ایونٹ میں شرکت کیلئے پہنچ گئے ۔۔
بھارتی میڈیا کی رپورٹ کے مطابق عامر خان حال ہی میں اپنی گرل فرینڈ گوری سپراٹ کے ساتھ پہلی مرتبہ ایک چین میں ہونے والے ‘مکاؤ انٹرنیشنل کامیڈی فیسٹیول’ میں ہاتھوں میں ہاتھ ڈالے عوامی سطح پر نظر آئے جس کے بعد وہ خبروں کی زینت بن گئے ۔تقریب میں آمد کے موقع پر عامر اور گوری ایک دوسرے کا ہاتھ تھامے ہوئے تھے ۔ دونوں نے روایتی ملبوسات زیب تن کئے تھے ؛ عامر خان نے سیاہ کرتا پاجامہ اور شال پہن رکھی تھی، جبکہ گوری نے سفید ساڑھی زین تن کر رکھی تھی۔اس نئے جوڑے نے چینی میڈیا کیلئے ایک ساتھ پوز دیا۔ اس موقع پر معروف چینی اداکار شین ٹینگ اور ما لی بھی موجود تھے ، جن سے عامر نے گوری کا تعارف کروایا۔ یاد رہے کہ عامر خان نے 14 مارچ 2025 کو اپنی 60ویں سالگرہ کے موقع پر گوری کے ساتھ اپنے تعلق کی تصدیق کی تھی۔
