آج کا پکوان: کاٹھی رولز
کلکتہ میں یہ رول اب عالمی شہرت حاصل کر چکا ہے۔ 1932 ء میں لکڑی کی سکٹس پر کباب بنائے جاتے تھے وہیں سے اس کا نام ’’کاٹھی کباب ‘‘ پڑ گیا۔ ’’کاٹھی رول‘‘ بریڈ (یا پراٹھا) میں فلنگ سے بنتے ہیں،اور سلاد کے ساتھ سرو کئے جاتے ہیں۔پراٹھے کی جگہ شوار ما بریڈ بھی استعمال ہو سکتی ہے جبکہ فلنگس کیلئے بھی الگ الگ اجزاء استعمال کئے جا سکتے ہیں۔
رول کے اجزاء: میدہ (چار پراٹھوں کیلئے)آئل ایک کھانے کا چمچ ،نمک اور پانی حسب ضرورت۔
رول بنانے کی ترکیب: میدے کے اندر تھوڑا سا نمک اور آٹا ملاکر پانی میں گوند لیں۔ آئلی رکھیں ۔
فلنگ کے اجزاء:گوشت چوکور کٹا ہوا،پیاز ایک چوتھائی،شملہ مرچ ایک چوتھائی،دھنیاایک کھانے کا چمچ،زیرہ ایک کھانے کا چمچ، آئل تین کھانے کے چمچ،لہسن ایک کھانے کا چمچ،ادرک ایک کھانے کا چمچ۔سبز مرچ کٹی ہوئی ایک کھانے کا چمچ،مکھن ایک کھانے کا چمچ،ہلدی آدھا کھانے کا چمچ،چلی پائوڈر ایک کھانے کا چمچ،دھنیا پسا ہواایک کھانے کا چمچ۔ٹماٹو کیچپ ایک چوتھائی کھانے کا چمچ،نمک حسب ضرورت۔
ترکیب :ایک فرائی پین میں کٹی ہوئی پیاز،لہسن ادرک پانی میں مکس کرکے ہلکی آنچ پر بھونیں، پیاز کو لال اورکرسپی رکھیں، پنیر کو چوکور کاٹ کر فرائی پین میںڈالیں، ایک مٹھی میتھی اور آدھا چائے کا چمچ دھنیا مکس کرلیں۔ زیرہ اور ثابت دھنیا کوٹ لیں، آئل ملائیں اورمصالحوں کو ہلکا سا بھون لیں۔چلی پائوڈر ملائیں۔تین چار منٹ پکائیں۔ہلکا سا ٹھنڈا کر لیں، فلنگ تیار ہے۔
سلاد کے اجزاء: ٹماٹر آدھا کپ،پیاز آدھا کپ،نمک حسب ضرورت،دھنیاآدھا کپ، لیمن جوس دو کھانے کے چمچ۔کالی مرچ پسی ہوئی دو کھانے کے چمچ۔
آخری مرحلہ کی ترکیب : روٹی پر گوبھی کا پتہ رکھنے کے بعد پنیر کی پتلی سے تہہ جمائیں۔اس میں فلنگ بھر دیں۔ دو حصے کرنے سے پہلے فلنگ کو گرنے بچانے کیلئے دو تیلیاں لگا نے کے بعد رول کاٹ لیں۔
