ذرامسکرائیے
اُستاد(شاگرد سے) انڈے اور ڈنڈے میں کیا فرق ہے؟ شاگرد: ’’کوئی فرق نہیں‘‘۔ اُستاد: ’’وہ کیسے‘‘؟شاگرد: ’’دونوں ہی کھانے کی چیزیں ہیں‘‘۔٭٭٭٭
ماں(بیٹے سے) ’’میں باہر جا رہی ہوں اگر میرے واپس آنے تک ہوم ورک نہ کیا ہوا تو میں مرغا بنائوں گی‘‘۔
بیٹا: ’’ٹھیک ہے امی!نان اور کولڈ ڈرنک میں لے آئوں گا‘‘۔
٭٭٭٭
اُستاد(شاگرد سے) ’’سکول اتنی دیر سے کیوں آئے ہو،تمہارے سب دوست تو وقت پر آتے ہیں‘‘۔
شاگرد: ’’جناب!میں سب کے ساتھ نہیں آتا کیونکہ شیر تو اکیلا ہی آتا ہے‘‘۔
اُستاد: ’’چل میرا شیر پُتر اب جلدی سے مُرغا بن جا‘‘۔
٭٭٭٭
اُستاد(شاگرد سے) ’’بتائو سائنس دان کسے کہتے ہیں‘‘؟
شاگرد: ’’جس چیز میں سائنس رکھی جائے‘‘۔
٭٭٭٭
ماں نے بیٹے کو لیٹے دیکھ کر کہا: ’’تمہارے امتحان شروع ہونے والے ہیں اور تم ہو کہ رات دن سوتے رہتے ہو‘‘۔
بیٹے نے جواب دیا: ’’امی!ماسٹر صاحب نے کہا تھا کہ تم اس وقت ہی پاس ہو سکتے ہو جب دن رات ایک کر دو‘‘۔
٭٭٭٭
ماہر نفسیات: مبارک ہو، آپ کا علاج مکمل ہو گیا۔ اب آپ بالکل ٹھیک ہیں۔
دماغی مریض: کیا فائدہ! آپ کے علاج سے پہلے میں فرانس کا بادشاہ تھا، اب ایک عام آدمی ہوں۔
٭٭٭٭
