چیمپئنز ون ڈے کپ
پاکستان کرکٹ بورڈ نے چیمپئنز ون ڈے کپ کی پانچ ٹیموں کے کپتانوں کے ساتھ ساتھ 12 سے 29 ستمبر تک فیصل آباد میں منعقد ہونے والے ٹورنامنٹ کیلئے عارضی اسکواڈز کا اعلان بھی کر دیا ہے۔کپتانوں کا تقرر پانچ ٹیموں کے مینٹور نے کیا۔
مصباح الحق (وولوز)، ثقلین مشتاق (پینتھرز)، سرفراز احمد (ڈولفنز)، شعیب ملک (اسٹالینز) اور وقار یونس (لائنز) کے مینٹور ہیں۔ پاکستان کے ٹیسٹ نائب کپتان سعود شکیل کو ڈولفنز کا کپتان مقررکیا گیا ہے، شاہین شاہ آفریدی لائنز کی کپتانی کریں گے اور پینتھرز کی قیادت شاداب خان کریں گے۔ پاکستان شاہینز کے کپتان محمد حارث اسٹالینز کی قیادت کریں گے جبکہ محمد رضوان وولوز کی قیادت کریں گے۔ چیمپئنز ون ڈے کپ میں ملک کے بہترین کرکٹرز شرکت کریں گے۔ 50 اوورز کا یہ ٹورنامنٹ سنگل لیگ فارمیٹ میں کھیلا جائے گا۔ تمام میچ دوپہر 3 بجے شروع ہوں گے، سوائے 16 ستمبر کو لائنز بمقابلہ پینتھرز کے میچ کے، جو صبح ساڑھے 9 بجے شروع ہوگا۔ ٹورنامنٹ کا اختتام چار دنوں میں تین پلے آف میچوں کے ساتھ ہوگا جس کا اختتام اتوار 29 ستمبر کو فائنل میں ہوگا۔ 12 ستمبر کو افتتاحی میچ میں مصباح الحق کی وولوز کا مقابلہ ثقلین مشتاق کی پینتھرز سے ہو گا۔ ’’وولوز‘‘کا میڈیا پارٹنر ’’دنیا میڈیا گروپ‘‘ ہے۔
پی سی بی نے پانچوں ٹیموں کیلئے عارضی سکواڈز کا بھی اعلان کردیا ہے۔ ان کا انتخاب ٹیم کے مینٹورز نے 150 کھلاڑیوں کے ایک پول سے ڈرافٹ کے عمل کے ذریعے کیا تھا، جسے پی سی بی نے فٹنس ٹیسٹ کے بعد فراہم کیا تھا۔ سینٹرل کنٹریکٹ یافتہ کھلاڑیوں کے فٹنس ٹیسٹ 7 اور 9 ستمبر کو فیصل آباد میں ہوں گے۔ 150 کھلاڑیوں میں سے 125 پچھلے تین ڈومیسٹک سیزن میں نمایاں کارکردگی دکھانے والے ہیں۔ بقیہ 25 کھلاڑی وائلڈ کارڈ ہیں، جن کا انتخاب ان کے تجربے اور گزشتہ تینوں سیزنوں میں پاکستان، پاکستان شاہینز اور پاکستان انڈر 19 ٹیموں کیلئے کارکردگی کی بنیاد پر کیا گیا ہے۔ہر ٹیم میں موجودہ سینٹرل کنٹریکٹ یافتہ کھلاڑی بھی شامل ہیں۔سعود شکیل، فہیم اشرف اور سرفراز احمد ’’ڈولفنز‘‘ کا حصہ ہیں۔ عبداللہ شفیق، عامر جمال، امام الحق اور شاہین شاہ آفریدی کو ’’لائنز‘‘میں شامل کیا گیا ہے۔صائم ایوب، شاداب خان اور اسامہ میر ’’پینتھرز‘‘ میں شامل ہیں۔ابرار احمد، بابر اعظم، حارث رؤف، محمد حارث، شان مسعود، طیب طاہر اور زمان خان کو ’’ اسٹالینز‘‘ میں رکھا گیا ہے۔ فخر زمان، افتخار احمد، محمد رضوان، نسیم شاہ، سلمان علی آغا اور شاہنواز دہانی’’وولوز‘‘ میں شامل ہیں۔
سینٹرل کنٹریکٹ یافتہ کھلاڑی جو اسکواڈ کا حصہ نہیں بن سکے ان میں محمد نواز (ذاتی وجوہات)، عماد وسیم (غیر دستیاب)، ارشد اقبال، حسن علی، احسان اللہ اور محمد وسیم جونیئر (انجری کے بعد بحالی سے گزر رہے ہیں) شامل ہیں۔
عماد وسیم کے علاوہ، جو اس وقت سی پی ایل میں کھیل رہے ہیں‘ جو کھلاڑی فیصل آباد ٹورنامنٹ کیلئے دستیاب نہیں ان میں احمد شہزاد، اعظم خان (سی پی ایل)، حارث سہیل، محمد عامر (سی پی ایل)، محمد عباس (کاؤنٹی کرکٹ میں UK)، محمد الیاس اور عمر اکمل شامل ہیں۔فخر زمان جو سی پی ایل میں بھی کھیل رہے ہیں 10 ستمبر کو واپس آئیں گے۔نیشنل کرکٹ اکیڈمی میں بحالی سے گزرنے والے دیگر کھلاڑیوں میں حسن علی، اطہر محمود، رضوان حسین، اور ذیشان ضمیر کے علاوہ ارشد اقبال، حسن علی، احسان اللہ اور محمد وسیم جونیئر شامل ہیں۔9 ڈومیسٹک کنٹریکٹ یافتہ کھلاڑیوں کو فٹنس ٹیسٹ میں ناکامی پر چیمپئنز ون ڈے کپ اسکواڈ سے باہر کر دیا گیا ہے جن میں علی شفیق، علی زریاب، عارف یعقوب، دانش عزیز، محمد رمیز جونیئر، سعد بیگ، رمیز عزیز، شرجیل خان، اور شاویز عرفان شامل ہیں۔
نیشنل کرکٹ اکیڈمی میں کامیابی سے اپنے فٹنس ٹیسٹ پاس کرنے اور بحالی مکمل کرنے کے بعد مسابقتی کرکٹ میں واپس آنے والے چار کرکٹرز حنین شاہ (لائنز)، ثمین گل، سفیان مقیم (دونوں ڈولفنز)، اور شاہنواز دہانی( وولوز) شامل ہیں۔اسکواڈز 10 ستمبر کو 15 رکنی کردیا جائے گا۔
پاکستان کرکٹ بورڈ نے چیمپئنز ون ڈے کپ کیلئے میچ آفیشلز کا اعلان بھی کردیاہے۔ آئی سی سی کے سابق ایلیٹ پینلسٹ امپائر علیم ڈار اور آئی سی سی کے انٹرنیشنل پینل کے امپائر آصف یعقوب 12 ستمبر کو چیمپئنز ون ڈے کپ میں وولوز اور پینتھرز کے درمیان ہونے والے افتتاحی میچ کی امپائرنگ کریں گے۔ سابق ٹیسٹ کرکٹر علی نقوی پلینگ کنٹرول ٹیم کی قیادت کریں گے جس میں ولید یعقوب اور ذوالفقار جان بھی تھرڈ اور فورتھ امپائر کے طور پر شامل ہوں گے۔علیم ڈار، آصف یعقوب، ولید یعقوب اور ذوالفقار جان نو امپائرز کے پینل میں شامل ہیں جو ملک کے بہترین کھلاڑیوں کے درمیان چیمپئنز ون ڈے کپ ٹورنامنٹ میں امپائرنگ کے فرائض سرانجام دیں گے۔ دیگر پانچ امپائرز میں فیصل آفریدی، امتیاز اقبال، عمران جاوید، ناصر حسین اور راشد ریاض شامل ہیں۔علی نقوی کے علاوہ میچ ریفریز کی ذمہ داریاں بلال خلجی، افتخار احمد، اقبال شیخ، ندیم ارشد اور کامران چوہدری انجام دیں گے۔ تینوں پلے آف اور فائنل کے لیے امپائر اور میچ ریفری کی تقرری کا اعلان بعد میں کیا جائے گا۔
ٹکٹوں کی فروخت جاری
چیمپئنز ون ڈے کپ کے ٹکٹوں کی فروخت 6 ستمبر سے شروع ہو گئی ہے۔ آن لائن ٹکٹ pcb.tcs.com.pk پر دستیاب ہیں جبکہ فزیکل ٹکٹ 9 ستمبر سے اسٹیڈیم کے قریب نامزد ٹی سی ایس آؤٹ لیٹس اور 10 ستمبر کو باکس آفس پر دستیاب ہوں گے۔شائقین کو اپنے پسندیدہ کرکٹرز کو دیکھنے کی ترغیب دینے کیلئے پاکستان کرکٹ بورڈ نے فرسٹ کلاس انکلوژر (حنیف محمد، تسلیم عارف، اعجاز احمد جونیئر، مصباح الحق ) اور جنرل انکلوژر (شاہد نذیر، وقار یونس، وسیم اکرم اور ظہیر عباس ) میں 12 سے 22 ستمبر تک مفت داخلے کا اعلان کیا ہے۔24، 25 اور 27 ستمبر کو ہونے والے پلے آف کیلئے جنرل اور فرسٹ کلاس انکلوژرز میں ٹکٹ بالترتیب 200 روپے اور 300 روپے میں دستیاب ہوں گے جبکہ فائنل کیلئے شائقین جنرل انکلوژر کے ٹکٹ 300 روپے اور فرسٹ کلاس انکلوژر میں ٹکٹ 400 روپے میں خرید سکتے ہیں۔ وہ شائقین جو وی آئی پی انکلوژرز ( فضل محمود اور جاوید میانداد) سے میچ دیکھنے کے خواہشمند ہیں وہ 12 سے 22 ستمبر کے درمیان ہونے والے میچوں کیلئے 200 روپے کے ٹکٹ خرید سکتے ہیں جبکہ تین پلے آف میچوں کیلئے وی آئی پی انکلوژر کے ٹکٹ 500 روپے میں شائقین کیلئے دستیاب ہوں گے۔ 29 ستمبر کو فائنل کیلئے وی آئی پی ٹکٹ 600 روپے میں دستیاب ہوں گے۔ شائقین ہاسپٹلٹی گیلری سے بھی میچ دیکھ سکتے ہیں، 12 سے 22 ستمبر کے درمیان میچز کیلئے 1600 روپے میں سیٹیں دستیاب ہیں۔ پلے آف کیلئے گیلری پاسز 2ہزار روپے میں دستیاب ہوں گے جبکہ فائنل کی قیمت 2,500 روپے ہوگی۔
ڈولفنزسکواڈ
سعود شکیل (کپتان، کراچی)، آفتاب ابراہیم (کراچی)
آصف علی (فیصل آباد)، اویس علی (گوجرانوالہ)
فہیم اشرف (قصور)، کاشف علی (راولپنڈی)
میر حمزہ (کراچی)، محمد ہریرہ (سیالکوٹ)
محمد عباس آفریدی (پشاور)، محمد اخلاق، (کاموکی)
محمد غازی غوری (کراچی)، محمد ریاض اللہ (پشاور)
نعمان علی (حیدرآباد)، قاسم اکرم (لاہور)، سمین گل (جمرود)
سرفراز احمد (کراچی)، صاحبزادہ فرحان (پشاور)،
صوفیان مقیم (کوٹلی)، عمرین (راولپنڈی)، قادر (لاہور)
مینٹور:سرفراز احمد
لائنزسکواڈ
شاہین شاہ آفریدی (کپتان، پشاور)،
عبداللہ شفیق (سیالکوٹ)، عامر جمال (اسلام آباد)
عامر یامین (ملتان)، فیصل اکرم (ملتان)،
حسن نواز (اسلام آباد)، ہنین شاہ (لاہور)
امام الحق (لاہور)، عمران بٹ (لاہور)
خوشدل شاہ (بنو)، محمد اصغر (کراچی)
محمد عرفان خان (میانوالی)، محمد طہٰ (کراچی)
عمیر بن یوسف (کراچی)، روحیل نذیر (اسلام آباد)
شہاب خان (مردان)، لائنزون سراج (ساہیوال)
سراج الدین (باجوڑ) اور وقار حسین (اوکاڑہ)
مینٹور: وقار یونس
پینتھرزسکواڈ
شاداب خان (کپتان، اسلام آباد)،عبدالواحد بنگلزئی (کوئٹہ)
احمد بلائنز (لاہور)،علی اسفند (فیصل آباد)، علی رضا (شیخوپورہ)
عماد بٹ (سیالکوٹ)، عرفات منہاس (ملتان)
اذان اویس (سیالکوٹ)، حیدر علی (اٹک)
محمد حسنین (حیدرآباد)، محمد عمر (کراچی)
محمد ذیشان (فیصل آباد)، مبشر خان (راولپنڈی)
ریحان آفریدی (خیبر)، رضوان محمود (حیدرآباد)
صائم ایوب (کراچی)، عمر صدیق (لاہور)
اُسامہ میر (سیالکوٹ)، عثمان خان (کراچی)
عثمان صلاح الدین (لاہور)
مینٹور: ثقلین مشتاق
اسٹالین سکواڈ
محمد حارث (کپتان، پشاور)، ابرار احمد (کراچی)
عادل امین (پشاور)، اعظم خان (پشاور)
بابر اعظم (لاہور)، حارث رؤف (اسلام آباد)
حسین طلعت (لاہور)، جہانداد خان (راولپنڈی)
جنید علی (لاہور)، اعظم احمد صدق (پشاور)
مہران ممتاز (راولپنڈی)، محمد علی (سیالکوٹ)
محمد عامر خان (سوات)، سعد خان (حیدرآباد)
شمائل حسین (اسلام آباد)، شانود (کراچی)
طیب طاہر (سرائی عالمگیر)، عبید شاہ (لاہور)
یاسر خان (راولپنڈی) اور زمان خان (میرپور)
مینٹور: شعیب ملک
وولوز سکواڈ
محمد رضوان (پشاور)، فخر زمان(ایبٹ آباد)
عبدالصمد(فیصل آباد)، عاکف جاوید(فاٹا)
علی عثمان (ملتان)‘ بلاول بھٹی (مریدکے)
حسیب اللہ (پشین)‘ افتخار احمد (پشاور)
کامران غلام (پشاور)‘ محمد فیضان( فیصل آباد)
محمد عمران جونیئر (پشاور)‘ محمد سرور آفریدی (فاٹا)
محمد عمران (خانیوال) ‘ نسیم شاہ (لاہور)
نثار احمد (لاہور)،سلمان علی آغا (لاہور)
شاہنواز دھانی (لاڑکانہ)
زاہد محمود(دادو)‘ زین عباس (ملتان)
مینٹور : مصبا ح الحق
