ذرامسکرایئے
ایک صاحب اپنے 6سالہ بچے کو داخلہ دلانے کیلئے سکول لے کر جا رہے تھے۔ انہوں نے بچے کو کہا ’’دیکھو بیٹا میڈم آپ کی عمر پوچھیں تو 4 سال بتانا، اگر 6 سال بتائی تو سکول میں داخلہ نہیں ملے گا‘‘۔
وہ صاحب بچے کو لے کر سکول پہنچے تو میڈم نے پوچھا آپ کی عمر کیا ہے؟
بچہ معصومیت سے بولا’’گھر میں 6 سال، سکول میں 4 سال اور ریل کے سفر کے دوران 3 سال‘‘۔
٭٭٭٭
پاگل مٹھائی والے سے ’’یار تم کتنے سال سے جلیبیاں بنا رہے ہو‘‘؟
مٹھائی والا: 30 سال سے۔
پاگل: بہت افسوس کی بات ہے تم سے اب تک سیدھی جلیبی نہیں بنائی گئی‘‘۔
٭٭٭٭
استاد( شاگرد سے) انڈے اور ڈنڈے میں فرق بتائو؟
شاگرد: سر کوئی فرق نہیں ہے۔
استاد( حیران ہو کر): وہ کیسے؟۔
شاگرد: سر دونوں ہی جسم کو گرم کرتے ہیں انڈا پیٹ کے اندر جا کر جسم کو گرم کرتا ہے اور ڈنڈا جسم کو باہر سے گرم کرتا ہے۔
٭٭٭
روزنامہ دنیا ایپ انسٹال کریں
