ذرا مسکرائیے
ماں (بیٹے سے): اگر تم میرے کہنے پر عمل نہیں کرو گے تو میں تمہیں سخت سزادوں گی۔
بیٹا (معصومیت سے) : ماں ! ایسی کون سی سزا دیں گی؟۔
ماں نے کہا: میں تمہیں کرکٹ کا کھلاڑی بنا دوں گی اور تو ساری عمر دھوپ میں جلتا رہے گا۔
٭٭٭
ایک بچہ سکول سے رزلٹ کارڈ لے کر آیا اور سیدھا باپ کے پاس پہنچا اور خوشی سے بولا: ابو ابو! آپ بہت خوش قسمت ہیں۔
باپ نے حیران ہو کر پوچھا: وہ کیسے؟۔
بچہ: آپ کو میرے لئے نئی کتابیں نہیں خریدنا پڑیں گی، میں اسی کلاس میں رہ گیا ہوں۔
٭٭٭
گاہک (قصائی سے) : جلدی کرو میرا قیمہ بنا دو۔
قصائی:بابو جی! پہلے چوہدری صاحب کی بوٹی بنادوں پھر آپ کا قیمہ بھی بنادوں گا۔
٭٭٭
باپ (بیٹے سے) : بتاؤ کن کن ملکوں میں زیادہ سونا پایا جاتا ہے؟
بیٹے نے کہا: جن ملکوں میں راتیں لمبی اور دن چھوٹے ہوتے ہیں۔
٭٭٭
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments