ڈریگن فروٹ: صحت، ذائقے اور جدید کاشت کا منفرد تحفہ
دنیا بھر میں ایسے بے شمار پھل پائے جاتے ہیں جو اپنی غذائی اہمیت، منفرد ذائقے اور دلکش شکل و صورت کی وجہ سے خاص مقام رکھتے ہیں۔
انہی میں سے ایک ڈریگن فروٹ بھی ہے، جو گزشتہ چند برسوں میں پاکستان سمیت دنیا کے مختلف ممالک میں تیزی سے مقبول ہوا ہے۔ گہرے گلابی یا سرخ رنگ کے چھلکے اور سفید یا سرخ گودے میں موجود سیاہ بیجوں کی وجہ سے یہ پھل نہایت دلکش دکھائی دیتا ہے۔ اس کا ذائقہ ہلکی مٹھاس لیے ہوتا ہے ۔
ڈریگن فروٹ کا تعلق کیکٹس کی ایک قسم سے ہے اور اس کی ابتدا وسطی اور جنوبی امریکہ سے مانی جاتی ہے۔غذائیت کے اعتبار سے ڈریگن فروٹ ایک نہایت مفید پھل ہے۔ اس میں وٹامن سی، فائبر، آئرن، میگنیشیم اور قدرتی اینٹی آکسیڈنٹس وافر مقدار میں پائے جاتے ہیں، جو جسم کے دفاعی نظام کو مضبوط بنانے، ہاضمہ بہتر رکھنے اور خلیوں کو نقصان پہنچانے والے مضر اجزا سے تحفظ فراہم کرنے میں مدد دیتے ہیں۔ اس میں موجود فائبر نظامِ انہضام کو متوازن رکھنے اور خون میں شوگر کی سطح کو اعتدال میں رکھنے میں معاون ثابت ہو سکتا ہے، جبکہ کم کیلوریز ہونے کی وجہ سے یہ وزن پر نظر رکھنے والے افراد کیلئے بھی ایک موزوں انتخاب سمجھا جاتا ہے۔
Comments / رائے دیں
Share your thoughts. Comments are reviewed before they appear publicly.
Approved Comments