دیس ہمارا پاکستان
دیس ہمارا ہم کو پیارا،ہم سب کی آنکھوں کا تارا
اپنے دیس پہ ہم قربان
دیس ہمارا پاکستان
اس کی خوشی آرام ہمارا
اِس کے نام سے نام ہمارا
اِس کی شان ہماری شان
دیس ہمارا پاکستان
آزادی ہے شان ہماری
آزادی ہے آن ہماری
آزادی اپنا ایمان
دیس ہمارا پاکستان
پاکستان بنایا جس نے
اجڑا دیس بسایا جس نے
اُس کے نام پہ ہم قربان
دیس ہمارا پاکستان
آؤ خوشی سے مِل کر گائیں
دنیا میں یہ دھوم مچائیں
دیس ہمارا پاکستان
دیس ہمارا پاکستان
(صوفی غلام مصطفی تبسم)
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments