کیا آپ جانتے ہیں؟
پہاڑوں پر سانس کیوں پھولتاہے؟
بلند مقامات پر فضائی دبائو میدانوں کے برعکس بہت کم ہوتاہے۔اس کے نتیجہ میں آکسیجن کی مقدار کم ہوتی ہے۔ چنانچہ ایسے مقامات پر سانس لینے پر پھیپھڑوں میں آکسیجن کی وہ مقدار نہیں پہنچتی جس کی جسم کو ضرورت ہوتی ہے۔ زیادہ آکسیجن کے حصول کیلئے پھیپھڑوں کو زیادہ کوشش کرناپڑتی ہے۔ چنانچہ ہمیں اپنا سانس پھولا ہوا محسوس ہوتا ہے۔ جو لوگ پہاڑی مقامات پر رہنے کے عادی ہوتے ہیں انہیں سانس پھولنے کی شکایت نہیں ہوتی کیونکہ قدرتی طور پر ان کے خون میں ہیمو گلوبن کی مقدار زیاد ہ ہوتی ہے۔
چمگادڑ اُلٹے کیوں لٹکتے ہیں؟
چمگادڑ ایک اڑنے والے ممالیائی جاندار ہیں لیکن یہ پرند وں کے بر عکس جو اُڑنے کے ساتھ ساتھ چل بھی سکتے ہیں،اپنے پائوں پہ کھڑے ہونے اور چلنے کی صلاحیت کھو چکے ہیں۔ حیاتیاتی ارتقا نے ان کے پنجوں کو ایسی شکل دے دی ہے کہ وہ ہوا میں اسے مدد اور سہارا دیتے ہیں۔آرام کرنے کیلئے چمگادڑ کا آسان ترین پوسچر سر کے بل لٹک جانا ہوتا ہے۔یہ درختوں کی شاخو ں سے اپنے خصوصی قسم کے پنجوں کی مدد سے لٹک جاتے ہیں جوان کے پروں کے کنارے پر موجود ہوتے ہیں۔
Comments / رائے دیں
Share your thoughts. Comments are reviewed before they appear publicly.
Approved Comments