ایڈن گارڈنز پچ تنازع، کمنٹیٹرز کو جوابدہ نہیں، کیوریٹر
ممبئی(سپورٹس ڈیسک)انڈین پریمئیر لیگ کی موجودہ چیمپئن فرنچائز کولکتہ نائٹ رائیڈرز کی انتظامیہ نے ایڈن گارڈنز سٹیڈیم میں سپن فرینڈلی پچ مانگ لی۔
میڈیا رپورٹس کے مطابق ہوم گراؤنڈ پر دفاعی چیمپئن فرنچائز کی پہلے میچ میں شکست کے بعد کولکتہ نائٹ رائیڈرز کی ٹیم مینجمنٹ نے سکواڈ میں شامل سپنرز کو فائدہ پہنچانے کیلئے پچ کیوریٹر سے سپن فرینڈلی پچ مانگی تاہم انہوں نے انکار کردیا۔جس پر کمنٹیٹر ہرشا بھوگلے اور سائمن ڈول نے کیویٹر کو تنقید کا نشانہ بناتے ہوئے کہا تھا کہ فرنچائز کو اپنا نیا ہوم گراؤنڈ تلاش کرنا چاہیے ، جس کے جواب میں پچ کیوریٹر سوجن مکھرجینے کہا کہ میں کمنٹیٹرز کی بات نہیں سنتا بلکہ وہ کرتا ہوں جو مجھے بھارتی بورڈ کی طرف سے احکامات ملتے ہیں۔ دوسری جانب فرنچائز کو مؤقف ہے کہ ہمیں ہوم گراؤنڈ پر ایڈوانٹیج نہیں مل رہا، ورن چکرورتی، سنیل نارائن جیسے سپنرز کو پچ پر ٹرن نہیں مل رہا ہے ۔پچ کیوریٹر نے کہا کہ رائل چیلنجر بنگلور کیخلاف پہلے میچ میں آندرے رسل جس گیند پر آؤٹ ہوئے انکی مخالف ٹیم کو سپن مل رہا تھا، فرنچائز انتظامیہ کے ساتھ تعلقات اچھے ہیں، بات چیت ہوسکتی ہے ۔ قبل ازیں کولکتہ نائٹ رائیڈرز کی ٹیم مینجمنٹ نے پچ پر سپنرز کو زیادہ مدد نہ ملنے پر تشویش کا اظہار کیا تھا، جس پر معاملہ بگڑ گیا۔
