انٹربینک میں ڈالر کی پرواز برقرار،سونا600روپے مہنگا
کراچی(بزنس رپورٹر)انٹربینک مارکیٹ میں پیر کو ڈالر کی پرواز برقرار رہی تاہم اس کے برعکس اوپن کرنسی مارکیٹ میں ڈالر تنزلی سے دوچار رہا۔
اسٹیٹ بینک کے مطابق انٹربینک میں ڈالر 11 پیسے کے اضافے سے 281.37روپے پر جاپہنچا۔ فاریکس رپورٹ کے مطابق اوپن کرنسی مارکیٹ میں ڈالر 4پیسے کی کمی سے 282.02روپے پربند ہوا۔ دوسری جانب عالمی بلین مارکیٹ سونا5ڈالر کے اضافے سے 3027ڈالر فی اونس کاہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 600روپے کے اضافے سے 3لاکھ18ہزار600روپے پر جاپہنچا۔اسی طرح دس گرام سونے کی قیمت 515 روپے کے اضافے سے 2 لاکھ 50 ہزار 394 روپے ہوگئی۔دریں اثنا چاندی کی فی تولہ قیمت 3475روپے پر مستحکم رہی۔
روزنامہ دنیا ایپ انسٹال کریں
