اندرون شہر18سڑکوں کو ماڈل بنانے کا منصوبہ ختم
گوجرانوالہ (سٹی رپورٹر)اندرون شہر 18 شاہرہوں کوماڈل روڈبنانے کامنصوبہ ختم،جی ٹی روڈ چندداقلعہ پر 5 ارب روپے کی لاگت سے فلائی اوورکی تعمیرکاآغازکردیا گیاجبکہ جی ٹی روڈ چند دا قلعہ کے دونوں اطراف روڈ کوکشادہ کردیاگیااورلاہور کی طرزپر یوٹرن بنانے کاکام شروع کردیا گیا۔
پنجاب حکومت کی ہدایت پر ضلعی انتظامیہ ،محکمہ ہائی ویز نے ٹریفک سگنل روڈ فری گوجرانوالہ بنانے کیلئے 3 رویہ فلائی اوورکی تعمیرکی جائے گی جس کیلئے فلائی اوورکا نقشہ ،پی سی ون منظورہوگیااورفنڈز بھی جاری کردیئے گئے ، بڑے میگا پراجیکٹ کوشروع کرنے کیلئے جی ٹی روڈ سمیت دیگر اہم شاہرات کی تعمیرکے منصوبے ختم کرد ئیے گئے ، فلائی اوورکی تعمیراورجی ٹی روڈکوکشادہ کرنے ،تزئین وآرائش اورجدید یوٹرن کی تعمیر کیلئے بھی کام شروع کردیاگیا۔ذرائع کے مطابق چنددا قلعہ فلائی اووراورجی ٹی روڈ کشادہ کرکے جدید یوٹر ن بنانے سے نہ صرف ٹریفک نظام بہتر ہوگابلکہ شہر کی خوبصورتی میں بھی اضافہ ہوگا ۔
