جوائنٹ کوآپریشن کمیٹی کا اجلاس کل، سی پیک کے دوسرے مرحلے کے منصوبوں پر گفتگو ہوگی
اسلام آباد: (دنیا نیوز) 13 ویں جوائنٹ کوآپریشن کمیٹی کا اجلاس کل سے شروع ہوگا۔
پلاننگ کمیشن کے مطابق 13 ویں جوائنٹ کوآپریشن کمیٹی کا اجلاس ورچوئلی ہوگا، پاکستانی وفد کی قیادت وزیر منصوبہ بندی احسن اقبال کریں گے، چینی وفد کی قیادت این ڈی آر سی کے چیئرمین کریں گے، جے سی سی کی صدارت وزیر منصوبہ بندی اور چیئرمین این ڈی آر سی مشترکہ طور پر کریں گے۔
جے سی سی میں سی پیک کے دوسرے مرحلے کے اہم منصوبوں پر گفتگو ہوگی، جے سی سی میں مواصلات، سکیورٹی، انفراسٹرکچر کے منصوبوں پر گفتگو ہوگی، سی پیک کے تحت توانائی و اقتصادی ترقی اور زراعت کے منصوبوں پر بات چیت ہوگی۔
پاکستان میں کام کرنے والے چینی انجینئرز و افراد کی سکیورٹی پر بات ہوگی، چینی افراد کی سکیورٹی کے حوالے سے کئے گئے اقدامات پر بریفنگ دی جائے گی، معدنیات کاریڈور کا معاہدہ جے سی سی میں طے ہونے کا امکان ہے۔
جے سی سی ایم ایل ون کی بروقت شروعات کیلئے باقاعدہ ٹائم لائن کا تعین کیا جائے گا، معدنیات کے ذیلی ورکنگ گروپس کی جلد از جلد چینی حکام سے میٹنگ کروائی جائے گی۔
