بھارت انگلینڈ کو شکست دیکر ٹی 20 ورلڈ کپ فائنل میں پہنچ گیا
گیانا: آئی سی سی ٹی 20 ورلڈ کپ کے دوسرے سیمی فائنل میں بھارت نے انگلینڈ کو 68 رنز سے شکست دیکر فائنل کیلئے کوالیفائی کرلیا۔
گیانا کے پروویڈنس اسٹیڈیم میں کھیلے گئے ٹی ٹوئنٹی ورلڈ کپ 2024 کے دوسرے سیمی فائنل میں بھارت نے انگلینڈ کو جیت کیلئے 172 رنز کا ہدف دیا تھا جس کے جواب میں انگلش ٹیم 16.4 اوورز میں 103 رنز بناکر آل آؤٹ ہوگئی۔
ایونٹ کا فائنل ہفتہ کو بارباڈوس میں پاکستانی وقت کے مطابق شام 7:30 بجے جنوبی افریقا اور بھارت کے درمیان کھیلا جائے گا۔
انگلینڈ کی اننگز
ہدف کے تعاقب میں انگلینڈ کا کوئی بھی بیٹسمین بھارتی بولرز کے سامنے زیادہ دیر نہ ٹہر سکا اور یکے بعد دیگرے وکٹیں گرتی رہیں۔
ہیری بروک 25، جوس بٹلر 23، جوفرا آرچر 21 رنز بناکر آؤٹ ہوئے، انکے علاوہ کوئی بھی انگلش بلے باز ڈبل فگرز میں داخل نہ ہوسکا۔
بھارت کی طرف سے اکسر پٹیل اور کلدیپ یادو نے تین، تین جسپریت بمراہ نے 2 وکٹیں حاصل کیں۔گیانا کے پروویڈینس کرکٹ سٹیڈیم میں ہونیوالے ٹی 20 ورلڈ کپ کے دوسرے سیمی فائنل میں انگلش کرکٹ ٹیم کے کپتان جوز بٹلر نے ٹاس جیت کر بھارت کو پہلے بیٹنگ کی دعوت دی تاہم پہلے بیٹنگ
کرتے ہوئے بھارت نے مقررہ 20 اوورز میں 7 وکٹوں کے نقصان پر رنز بنائے۔
بھارت کی اننگز
بھارت کی جانب سے اننگز کا آغاز کپتان روہت شرما اور ویرات کوہلی نے کیا تاہم ویرات کوہلی 9 گیندوں پر 9 رنز بناکر پویلین لوٹ گئے، بھارت کی دوسری وکٹ 40 رنز کے مجموعی سکور پر گری جب رشبھ پنت 4 رنز بناکر آؤٹ ہوگئے۔
8 اوورز میں 65 رنز کے مجموعی سکور پر میچ کو بارش کے باعث روک دیا گیا، میچ کے دوبارہ آغاز پر کپتان روہت شرما اور سوریا کمار یادیو نے ذمہ دارانہ بیٹنگ کا مظاہرہ کرتے ہوئے سکور کو آگے بڑھایا۔
بھارت کی تیسری وکٹ 113 رنز کے مجموعی سکور پر گری جب کپتان روہت شرما 57 رنز بنا کر بولڈ ہوگئے جبکہ چوتھی وکٹ سوریاکمار یادیو کی گری جو 47 رنز بناکر کیچ تھما بیٹھے۔
پانچویں وکٹ 146 رنز کے مجموعی سکور پر گری جب ہاردک پانڈیا 23 رنز بناکر کیچ آؤٹ ہوئے جبکہ چھٹی وکٹ شیوم دوبے کی گری جو بغیر کوئی رن سکور کئے پویلین لوٹ گئے، رویندر جڈیجہ 17 اور ارشدیپ سنگھ ایک رن کیساتھ ناقابل شکست رہے۔
قبل ازیں بارش کے باعث میچ کا ٹاس بھی تاخیر سے ہوا، پاکستانی وقت کے مطابق میچ کا ٹاس 7 بجے ہونا تھا جبکہ میچ شروع ہونے کا وقت 7 بجکر 30 منٹ تھا تاہم بارش کے باعث میچ اپنے مقررہ وقت پر شروع نہ ہوسکا، میچ کا ٹاس 8 بجکر 10 منٹ پر ہوا جبکہ میچ کا آغاز 8 بجکر 45 منٹ پر ہوا۔
دونوں میں سے جیتنے والی ٹیم کا مقابلہ فائنل میں جنوبی افریقا سے ہو گا، قبل ازیں پہلے سیمی فائنل میچ میں افغانستان کو 9 وکٹوں سے بآسانی شکست دے کر ساؤتھ افریقہ پہلی بار فائنل میں پہنچ گیا ہے۔
