بھارتی ویمنز کرکٹر نے تیز ترین ڈبل سنچری بنا کر تاریخ رقم کردی
چنئی :(ویب ڈیسک ) بھارتی ویمنز کرکٹ ٹیم کی شیفالی ورما نے ویمن کرکٹ میں نئی تاریخ رقم کردی۔
20 سالہ شیفالی نے چنئی میں جاری ویمن ٹیسٹ میچ میں ویمن ٹیسٹ کی تیز ترین ڈبل سنچری بنا دی، بھارتی اوپنر نے جنوبی افریقہ کے خلاف 194 گیندوں پر ڈبل سنچری مکمل کی جس کے بعد شیفالی 200 سے کم گیندوں پر ڈبل سنچری کرنے والی پہلی خاتون کرکٹر بن گئی ہیں۔
اس سے قبل آسٹریلیا کی انابیل سدرلینڈ نے جنوبی افریقہ کے خلاف 256 گیندوں پر ڈبل سنچری کی تھی جب کہ آسٹریلیا کی ہی کیرون رالٹن نے 313 اور اور مشل گوسکو نے 345 گیندوں میں ڈبل سنچری بنائی تھی۔
