آسٹریلیا کیخلاف سنچری: سمرتی ماندھانا نے ورلڈ ریکارڈ بنا ڈالا
دہلی: (ویب ڈیسک) بھارت کی ویمنز ٹیم کی بیٹر سمرتی ماندھانا نے ورلڈ ریکارڈ بنا دیا۔
غیر ملکی میڈیا کے مطابق گزشتہ روز آسٹریلیا کے خلاف کھیلے گئے تیسرے ون ڈے میچ میں سمرتی ماندھانا نے سنچری سکور کی، یہ سنچری بھارت کو میچ تو نہ جتوا سکی لیکن بھارتی بیٹر نے ریکارڈ بک میں نام درج کرا لیا۔
سمرتی ماندھانا نے میچ میں 105 رنز سکور کیے، یہ مجموعی طور پر اس سال ون ڈے فارمیٹ میں ان کی چوتھی سنچری تھی جس کی بدولت انہوں نے ریکارڈ بک میں اپنا نام درج کرا لیا ہے۔
اس سے قبل 7 ویمن کرکٹرز ایک سال میں 3 سنچریاں بنا چکی ہیں، سمرتی ماندھانا کی اب ون ڈے انٹرنیشنل میں مجموعی سنچریوں کی تعداد 9 ہو گئی ہے۔
