بیرون ملک فرار ہونے کی کوشش کرنے والا اشتہاری گرفتار
سیالکوٹ: (دنیا نیوز) پنجاب پولیس سپیشل آپریشنز سیل نے کارروائی کرتے ہوئے بیرون ملک فرار ہونے کی کوشش کرنے والے اشتہاری ملزم کو گرفتار کر لیا۔
ترجمان پنجاب پولیس کے مطابق اشتہاری ملزم کا نام پی این آئی ایل PNIL میں شامل کیا گیا تھا، اشتہاری مجرم عمر عرف عمیر نے 2022ء میں شہری کو آتشی اسلحہ سے زخمی کیا، رواں سال بھی ملزم عمر نے فائرنگ کرکے ایک شہری کو زخمی کیا تھا۔
پولیس ترجمان نے مزید بتایا کہ سپیشل آپریشنز سیل نے اشتہاری مجرم کو بیرون ملک فرار ہونے کی کوشش میں سیالکوٹ ایئرپورٹ سے حراست میں لیا۔
