مصطفیٰ عامر قتل کیس: ملزم ارمغان کے لیپ ٹاپ سے بین الاقوامی فراڈ گروپ کے شواہد مل گئے
کراچی: (دنیا نیوز) مصطفیٰ عامر قتل کیس کی تحقیقات جاری رہی، مرکزی ملزم ارمغان کے لیپ ٹاپ سے بین الاقوامی فراڈ گروپ کے شواہد مل گئے۔
ایف آئی اے نے انسداد دہشت گردی عدالت میں رپورٹ پیش کردی، رپورٹ میں بتایا گیا کہ ارمغان اور اس کے والد کامران قریشی نے فراڈ کیلئے کمپنی بنائی تھی، متعلقہ کمپنی کی سالانہ آمدن 3 سے 4 لاکھ امریکی ڈالرز ہے، فراڈ کیلئے قائم کمپنی میں 25 ملازمین کام کررہے ہیں۔
رپورٹ کے مطابق ارمغان نے اپنے ملازم افنان کے ذریعے لگژری گاڑیاں خریدیں، گاڑیوں کی مجموعی قیمت 15 کروڑ 40 لاکھ روپے ہے، جسمانی ریمانڈ مکمل ہونے پر ملزم ارمغان کو آج عدالت میں پیش کیا جائے گا۔
