رحیم یارخان میں پولیس مقابلہ، سنگین وارداتوں میں ملوث ڈاکو زخمی حالت میں گرفتار
رحیم یار خان: (دنیا نیوز) رحیم یارخان کے تھانہ ایئرپورٹ پولیس اور ڈاکوؤں کے درمیان فائرنگ کا تبادلہ ہوا جس کے دوران ایک ڈاکو زخمی حالت میں گرفتار کر لیا گیا۔
ترجمان پولیس کے مطابق پولیس پارٹی نے چک106 پی سیم نالہ روڈ ناکہ بندی پر مشکوک موٹر سائیکل سواروں کو روکنے کی کوشش کی تو مسلح ڈاکوؤں نے فائرنگ کر دی۔
ترجمان پولیس نے بتایا کہ فائرنگ کے تبادلے کے دوران پکڑے گئے ڈاکو کی شناخت بدنام زمانہ فیضان عرف شانا مانک کے نام سے ہوئی، گرفتار ڈاکو کے قبضے سے ناجائز اسلحہ بھی برآمد کر لیا گیا۔
پولیس ترجمان نے مزید بتایا کہ گرفتار ڈاکو ڈکیتی، چوری جیسے متعدد سنگین مقدمات کا ریکارڈ یافتہ نکلا، فرار ساتھیوں کی گرفتاری کے لئے علاقے کا گھیراؤ کرکے سرچ آپریشن شروع کر دیا گیا۔
Comments / رائے دیں
Share your thoughts. Comments are reviewed before they appear publicly.
Approved Comments