سپریم کورٹ میں چینی کی قیمتوں سے متعلق حکم امتناع کیخلاف درخواست سماعت کیلئے مقرر

اسلام آباد: (دنیا نیوز) چینی کی قیمتوں سے متعلق لاہور ہائیکورٹ کے حکم امتناع کے خلاف سپریم کورٹ میں درخواست سماعت کے لیے مقرر ہوگئی۔

وفاقی حکومت نے جسٹس شاہد کریم کے حکم امتناع کے خلاف سپریم کورٹ سے رجوع کیا تھا، جسٹس اعجازالاحسن کی سربراہی میں 3 رکنی فل بینچ 12 ستمبر کو سماعت کرے گا، وفاقی حکومت نے لاہور ہائیکورٹ کے فیصلے کے خلاف 4 مئی کو سپریم کورٹ میں اپیل دائر کی تھی۔

واضح رہے کہ عدالتی تعطیلات کے باعث سپریم کورٹ میں وفاق کی درخواست سماعت کے لئے مقرر نہیں ہوئی تھی۔
 

Advertisement
روزنامہ دنیا ایپ انسٹال کریں