گوادر: تیل ڈپو میں آگ لگنے سے 3 افراد جھلس کر زخمی
![](https://img.dunyanews.tv/news/2023/December/12-11-23/news_big_images/776894_16813748.jpg)
گوادر (دنیا نیوز) گوادر کی تحصیل جیوانی کے علاقے کنٹانی میں ساحل کے قریب موجود تیل کے ڈپو میں آگ لگنے سے 3 افراد جھلس کر زخمی ہوگئے۔
لیویز ذرائع کے مطابق کنٹانی میں ساحل کے قریب موجود تیل کے ڈپو میں آگ لگنے کے واقعے میں 2 افراد جھلس کر زخمی ہوگئے، جنہیں ہسپتال منتقل کردیا گیا۔
آگ کی لپیٹ میں آ کر 2 ڈپو اور 6 تیل بردار گاڑیوں کو نقصان پہنچا، آگ لگنے کے واقعے میں تیل کی ترسیل میں استعمال ہونے والے4 سپیڈ بوٹس بھی جل کر خاکستر ہوگئیں ۔
ابتدائی طور پر یہ بتایا جا رہا ہے کہ آگ جنریٹر میں شارٹ سرکٹ کے باعث لگی تھی ، مزید تحقیقات جاری ہیں۔