وہیل چیئر کرکٹ کا ایشیا کپ اور ٹی 20 ورلڈ کپ کرانےکا اعلان
لاہور: (ویب ڈیسک) انٹرنیشنل کونسل آف وہیل چیئر کرکٹ نے ون ڈے ایشیا کپ اور ٹی 20 ورلڈ کپ کرانےکا اعلان کردیا۔
تھائی لینڈ میں ہونےوالے اجلاس میں آئندہ سال جنوری میں پہلا ون ڈے ایشیا کپ تھائی لینڈ میں ہی کرانےکی منظوری دی گئی ہے ،چالیس چالیس اوورزپرمشتمل پہلے ایشیا کپ میں پاکستان، بھارت، بنگلا دیش اورافغانستان کی ٹیمیں ان ایکشن ہونگی۔
اجلاس میں پہلےٹی 20 ویل چیئرورلڈ کپ 2025 کی میزبانی یو اے ای کو سونپی گئی ہے،عالمی سطح پروہیل چیئرکرکٹ کی کونسل 2019 اور 2023 میں دو ٹی 20 ایشیا کپ کراچکی ہے۔
