یمنیٰ زیدی اداکار اسامہ کے ہمراہ اداکاری کے جوہر دکھانے کو تیار
لاہور: (ویب ڈیسک) خوبرو پاکستانی اداکارہ یمنیٰ زیدی اداکار اسامہ خان کے ساتھ اداکاری کے جوہر دکھائیں گی۔
ڈرامہ سیریل ’’تیرے بن‘‘ سے شہرت کی بلندیوں کو چھونے والی اداکارہ یمنیٰ زیدی نجی ٹی وی پر نشر ہونے والے ڈرامہ سیریل ’’خون بہا‘‘ میں اداکار اسامہ خان کے ساتھ مرکزی کردار میں نظر آئیں گی۔
یمنیٰ زیدی اور اسامہ خان کے علاوہ ڈرامے میں دیگر بہت سے باصلاحیت اداکاروں کو شامل کیا گیا ہے جن میں اداکارہ سکینہ سمو، دیپک پروانی، نمیر خان اور تزین حسین جیسے نام شامل ہیں۔
ڈرامے کی تفصیلات منظر عام پر آتے ہی یمنیٰ زیدی کے مداح انہیں جلد نئے روپ اور نئے کردارمیں دیکھنے کو بے تاب نظر آ رہے ہیں۔
