میٹرک کے پوزیشن ہولڈرز کے اعزاز میں خصوصی تقریب کل ہوگی
لاہور: (دنیا نیوز) میٹرک کے پوزیشن ہولڈرز کے اعزاز میں خصوصی تقریب کل (منگل) کو ہوگی۔
وزیر اعلیٰ پنجاب مریم نواز اور وزیر تعلیم رانا سکندر حیات طلبہ میں ایوارڈ تقسیم کریں گے، تقریب میں شرکت کیلئے تمام بورڈز کے ٹاپر طلبہ لاہور پہنچ گئے۔
وزیر اعلیٰ پنجاب مریم نواز شریف اور وزیر تعلیم کی خصوصی ہدایت پر طلبہ کو گارڈ آف آنر پیش کیا جائے گا، طلبہ کو مکمل سرکاری پروٹوکول کے ساتھ تقریب کے مقام پر لایا جائے گا۔
وزیر تعلیم رانا سکندر حیات نے بتایا کہ تقریب اور پروٹوکول کا مقصد طلبہ کی حوصلہ افزائی کرنا ہے، ٹاپر طلبہ کیلئے سرکاری سطح پر کسی بھی تقریب کا انعقاد 7 سال بعد کیا جا رہا ہے۔
