نئی ٹیسٹ رینکنگ: بابر، رضوان اور سلمان آغا کی ترقی
دبئی: (ویب ڈیسک) انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کر دی۔
ٹیسٹ پلیئرز کی بیٹنگ رینکنگ میں جو روٹ کا پہلا نمبر برقرار ہے جبکہ انگلینڈ کے ہی ہیری بروک ایک درجے ترقی کے بعد تیسرے نمبر پر آ گئے ہیں۔
بھارت کے رشبھ پنت 5 درجے ترقی کے بعد چھٹے نمبر آ گئے ہیں، نیوزی لینڈ کے ڈیرل مچل 8 درجے ترقی کے بعد ساتویں نمبر پر براجمان ہوئے ہیں۔
اس کے علاوہ قومی کرکٹ ٹیم کے سابق کپتان بابر اعظم ایک درجے ترقی کے بعد 17 ویں نمبر پر موجود ہیں۔
سلمان آغا ایک درجے ترقی کے بعد 19 ویں ویں نمبر پر آ گئے ہیں جبکہ پاکستان وائٹ بال ٹیم کے کپتان محمد رضوان 2 درجے ترقی کے بعد 20 ویں نمبر پر آ گئے ہیں۔
ٹیسٹ باؤلرز رینکنگ
ٹیسٹ باؤلرز میں ساؤتھ افریقا کے کگیسو ربادا کا پہلا نمبر برقرار ہے، آئی سی سی ٹیسٹ باؤلرز رینکنگ میں پاکستان کے نعمان علی کی نویں پوزیشن ہے۔
بھارت کے رویندرا جڈیجا دو درجے ترقی کے بعد چھٹے نمبر پر آ گئے ہیں، کیشو مہاراج چار درجے ترقی کے بعد 19 ویں نمبر پر آ گئے ہیں جبکہ ٹیسٹ آل راؤنڈرز میں بھارت کے رویندرا جڈیجا کا پہلا نمبر برقرار ہے۔
