کینوا نے نیا ڈیزائن ماڈل اور اے آئی فیچرز متعارف کرا دیئے
کیلیفورنیا: (ویب ڈیسک) عالمی ملٹی نیشنل گرافک ڈیزائن پلیٹ فارم کینوا نے اپنا جدید ڈیزائن ماڈل متعارف کرایا ہے اور ساتھ ہی نئے اے آئی فیچرز بھی شامل کئے ہیں، تاکہ صارفین زیادہ تیزی، آسانی اور تخلیقی انداز میں ڈیزائن بنا سکیں۔
ٹیکنالوجی ویب سائٹ کے مطابق نیا ماڈل صرف تصویر تیار نہیں کرتا بلکہ ڈیزائن کی لیئرز (layers)، چیزوں اور مختلف فارمیٹس کو بھی سمجھتا ہے، جس کا مطلب ہے کہ صارف ڈیزائن کے تشکیلی حصے کو بھی بدل سکتا ہے۔
کینوا کے نئے اے آئی ٹولز کی مدد سے صارف مختصر ہدایات (prompts) دے کر مکمل اشتہار، سوشل میڈیا پوسٹ، یا ای‑میل ٹیمپلیٹ تیار کر سکتا ہے، اس کے علاوہ ڈیزائن کے اندر موجود اے آئی اسسٹنٹ صارف کی ڈیزائننگ میں رہنمائی فراہم کرے گا۔
چھوٹے کاروبار اور ٹیموں کیلئے بھی کینوا نے خصوصی سہولیات فراہم کی ہیں، جن میں مارکیٹنگ مہمات کا نظم، اشتہارات کی منیجمنٹ اور تجزیاتی ٹولز شامل ہیں۔
کینوا کا نیا ماڈل اب ڈیزائن بنانا عام شخص کیلئے بھی آسان کر دیتا ہے اور اس کیلئے پروفیشنل ٹولز کی ضرورت کم ہو سکتی ہے، وہ لوگ جنہیں ڈیزائننگ کا زیادہ علم نہیں، وہ بھی کم وقت اور کم محنت سے اچھا مواد تیار کر سکتے ہیں۔
کاروباری حضرات اور سوشل میڈیا منیجرز کیلئے یہ خبر خوشی کی ہے، کیونکہ اب انہیں زیادہ وقت نہیں دینا پڑے گا اور معیاری مواد تیزی سے تیار ہو جائے گا، نتائج کی تخلیق اور ترمیم دونوں آسان ہوگئی ہیں، کیونکہ ماڈل صارف کو ڈیزائن میں تبدیلی کی سہولت فراہم کرتا ہے۔
اگرچہ بنیادی فیچرز سب کیلئے دستیاب ہوں گے، لیکن کچھ اعلیٰ درجے کے ٹولز پرو صارفین کیلئے ہی دستیاب ہوں گے۔
