این اے251کے 22 سٹیشنز پر دوبارہ پولنگ کیلئے شیڈول کا اعلان
کوئٹہ: (دنیا نیوز) بلو چستان سے قومی اسمبلی کے حلقہ این اے251کے 22 پولنگ سٹیشنز پر دوبارہ پولنگ کےلئے شیڈول کا اعلان کر دیا گیا۔
الیکشن کمیشن آف پاکستان(ای سی پی ) کے مطابق حلقہ این اے 251کے 22پولنگ سٹیشنز پر 18دسمبر کو دوبارہ پولنگ ہو گی ، پولنگ کا عمل صبح 8بجے سے لےکر شام 5بجے تک بغیر وقفے کے جاری رہے گا۔
ای سی پی کا کہنا تھا کہ الیکشن کے حوالے سے تمام انتظامات مکمل کرلیے گئے، ڈسٹرکٹ ریٹرننگ آفیسر اور ریٹرننگ آفیسر بھی تعینات کر دیے۔
واضح رہےالیکشن ٹریبونل بلوچستان کے احکامات کی روشنی میں سید سمیع اللہ کی کامیابی کے نوٹیفکیشن کو ڈی نوٹیفائی کر دیا گیا تھا جس پر دوبارہ پولنگ ہورہی ہے۔
