بھکاری حکمران بھی ڈی پورٹ ہوں گے تو ملک معاشی ترقی و استحکام حاصل کریگا: لیاقت بلوچ
لاہور: (دنیا نیوز) نائب امیر جماعت اسلامی پاکستان لیاقت بلوچ نے کہا ہے کہ حکمرانوں نے بھیک مانگنے کا کلچر عوام میں بھی سرائیت کردیا۔
اپنے ایک بیان میں لیاقت بلوچ نے کہا کہ بھکاری کئی ممالک سے ڈی پورٹ کر دیئے گئے، بھکاری حکمران بھی ڈی پورٹ ہوں گے تو ملک معاشی ترقی و استحکام حاصل کرے گا۔
ان کا کہنا تھا بھارت آبی جارحیت جاری رکھے ہوئے ہے، حکومت نے بھارتی آبی جارحیت کے سدباب کا کوئی اقدام نہیں کیا۔
لیاقت بلوچ نے مزید کہا کہ پاکستان بار کے نومنتخب عہدیداران کو مبارک باد پیش کرتے ہیں، پاکستان بار کونسل حصول انصاف کیلئے جوہری کردار ادا کرے، پنجاب کے شہریوں کے جان و مال کا تحفظ کیا جائے۔
