کراچی میں دن کے وقت ڈمپروں اور ہیوی ٹریفک کے داخلے پر پابندی
کراچی: (دنیا نیوز) شہر قائد میں دن کے اوقات میں ڈمپروں اور ہیوی ٹریفک کے داخلے پر پابندی عائد کر دی گئی۔
حکام کی جانب سے جاری نوٹیفکیشن کے مطابق ہیوی ٹریفک کے شہر میں داخلے پر صبح 6 سے رات 10 بجے تک پابندی ہو گی، دن میں ہیوی ٹریفک کے داخلے پر پابندی 2 ماہ کیلئے لگائی گئی ہے۔
نوٹیفکیشن کے مطابق ہیوی ٹریفک سپر ہائی وے سے نیو کراچی انڈسٹریل ایریا جا سکے گی، اسی طرح ہیوی ٹریفک کو نیشنل ہائی وے سے گودام چورنگی، یونس چورنگی، داؤد چورنگی سے جام صادق برج چلنے کی اجازت ہوگی۔
ناردن بائی پاس سے پراچہ چوک، سیمنز چورنگی، ناردن بائی پاس سے گلبائی، ماڑی پور سے کراچی پورٹ، لنک روڈ کاٹھور سے سسی ٹول پلازہ ہیوی ٹریفک کو آمدورفت کی اجازت ہوگی۔
