ڈیرہ غازی خان: خیابانِ سرور روڈ پر خوفناک ٹریفک حادثہ، 3 افراد جاں بحق
ڈیرہ غازی خان: (دنیا نیوز) ڈیرہ غازی خان میں خیابانِ سرور روڈ پر پیش آنے والے خوفناک ٹریفک حادثے کے نتیجے میں 3 افراد جاں بحق ہو گئے۔
ریسکیو حکام کے مطابق حادثہ مسافر کوچ، رکشہ اور موٹرسائیکل کے آپس میں ٹکرانے کے باعث پیش آیا، تصادم اتنا شدید تھا کہ تین افراد موقع پر ہی دم توڑ گئے۔
ریسکیو ٹیم نے فوری طور پر موقع پر پہنچ کر لاشوں کو قریبی ہسپتال منتقل کر دیا، پولیس حکام کے مطابق جائے وقوعہ سے شواہد اکٹھے کر کے حادثے کی وجوہات جاننے کے لیے تحقیقات کا آغاز کر دیا گیا ہے، حادثے کے بعد علاقے میں شدید خوف و ہراس پھیل گیا جبکہ ٹریفک کی روانی بھی کچھ دیر کے لیے متاثر رہی۔
