معذوری کا بہانہ کر کے قید سے بچنے والا مجرم باکسنگ لڑتے پکڑا گیا
لندن: (ویب ڈیسک) برطانیہ میں معذوری کا بہانہ کر کے قید سے بچنے والا مجرم ایک باکسنگ مقابلے میں لڑتے ہوئے پھر سے پکڑا گیا۔
خبر رساں ادارے کے مطابق کارڈف سے تعلق رکھنے والا غیر قانونی طریقے سے کتوں کی برِیڈنگ کروانے والے 31 سالہ اینٹن بوسٹن کرونز بیماری میں مبتلا ہونے کا بہانہ بنا کر جیل جانے سے بچا ہوا تھا، ملزم نے
2020ء میں ملزم نے 6 کتوں کے کان کاٹنے کے جرم کا اعتراف کیا تھا، مجرم کو حال ہی میں ایک جج نے رحم کرتے ہوئے جیل سے باہر نکالا تھا، تاہم اس کے بعد بھی اس کا غیر قانونی کام جاری رہا اور اس کو اس دوران ایک باکسنگ مقابلے میں لڑتے ہوئے بھی دیکھا گیا۔
پراسیکیوٹنگ وکیل لی رینلڈز نے عدالت کو بتایا کہ مجرم نے جیسا خود کو معذور پیش کیا تھا باکسنگ وہ اس سے بالکل الگ دِکھائی دیے، دوسری جانب مجرم کے پڑوسیوں نے اس کے گھر سے بدبو آنے کی وجہ سے پولیس کو بلا کر شکایت کی تھی، جس پر پراسیکیوٹرز نے بوسٹن پر جانوروں کو خراب حالت میں رکھنے کا الزام عائد کیا تھا۔
عدالت نے اینٹن بوسٹن پر 3 سال کی قید اور 15 برس تک کتے پالنے پر پابندی کی سزا سنائی ہے۔
