ایرانی صدر نے معنی خیز پیغام کیساتھ قدیم درخت کی تصویر سوشل میڈیا پر شیئر کر دی
تہران: (دنیا نیوز) ایرانی صدر مسعود پزشکیان نے وسطی ایران کے تاریخی صوبے یزد میں واقع نایاب اور قدیم درخت کی تصویر معنی خیز پیغام کے ساتھ سوشل میڈیا پر شیئر کر دی۔
سوشل میڈیا پلیٹ فارم ایکس پر قدیم درخت کی تصویر شیئر کرتے ہوئے ایرانی صدر نے اپنے ملک کے دشمنوں کو یہ پیغام دیا ہے کہ ایران اپنی سر زمین میں گہری جڑیں رکھتا ہے اور اسے اکھاڑا نہیں جا سکتا۔
مسعود پزشکیان نے تصویر کے ساتھ لکھا کہ ایشیا کا قدیم ترین زندہ جاندار، قدیم ابر کوہ سرو کا درخت، جس کی عمر کم از کم 4 ہزار 500 سال ہے، مزید لکھا کہ یہ اس سر زمین میں جڑا ہوا ہے جو اس وقت بھی ایران کے نام سے جانی جاتی تھی۔
— Masoud Pezeshkian (@drpezeshkian) May 16, 2026
خیال رہے کہ اس درخت کو زرتشتی سرو بھی کہا جاتا ہے، یہ ایران کے صوبہ یزد کے شہر ابرکوہ میں واقع ہے، اسے ایشیا اور دنیا کے قدیم ترین زندہ جانداروں میں شمار کیا جاتا ہے، ماہرین کے مطابق اس درخت کی عمر 4 ہزار سے 5 ہزار سال کے درمیان ہے۔
