شمالی وزیرستان : گھر کے اندر دھماکا، چھت گرنے سے 2 خواتین جاں بحق
شمالی وزیرستان: (دنیانیوز) تھانہ حدود میران شاہ گاؤں تپی کے ایک گھر کے اندر دھماکے سے کمرے کی چھت گرگئی جس کے نتیجے میں 2 خواتین جاں بحق ہوگئیں ۔
پولیس کے مطابق کمرے کی چھت گرنےسے 3 بچوں اور 2 خواتین سمیت 5 افراد زخمی ہوگئے، واقعے کی اطلاع ملتے ہی پولیس اور امدادی ٹیمیں موقع پر پہنچ گئیں اور لاشوں اور زخمیوں کو میرانشاہ ہسپتال منتقل کر دیا ۔
پولیس کا بتانا ہے کہ فی الوقت دھماکے کی وجہ اور نوعیت معلوم نہیں ہو سکی، تحقیقات جاری ہیں ۔
