21 دسمبر کو ملک بھر میں بااختیار بلدیاتی نظام کیلئے دھرنے ہوں گے: لیاقت بلوچ
لاہور: (دنیا نیوز) نائب امیر جماعت اسلامی پاکستان لیاقت بلوچ نے کہا ہے کہ 21 دسمبر کو ملک بھر میں بااختیار بلدیاتی نظام کے لئے دھرنے ہوں گے۔
اپنے بیان میں لیاقت بلوچ کا کہنا تھا کہ اسلام آباد اور صوبائی حکومتیں عوام سے مذاق بند کر کے بااختیار بلدیاتی نظام دیں۔
انہوں نے کہا کہ اسرائیلی دہشت گرد قیادت نے دنیا بھر میں یہودیوں کو غیر محفوظ بنا دیا ہے، آسٹریلیا میں یہودیوں کی تقریب میں دہشت گرد حملے کی مذمت کرتے ہیں۔
ان کا کہنا تھا کہ 16 دسمبر کا دن دو قومی نظریہ کے دشمنوں اور ہندوستان کے آلہ کاروں کے لئے عبرت ہے، پاکستان اور بنگلا دیش کے عوام مشترکہ دشمن ہندوستان کے عزائم سے آگاہ ہوگئے۔
نائب امیر جماعت اسلامی پاکستان نے پیر عبدالرحیم نقشبندی، پیر ذوالفقار احمد نقشبندی کے انتقال پر اظہار تعزیت بھی کیا۔
