مانسہرہ: جیپ کھائی میں گرنے سے ایک ہی خاندان کے 4افراد جاں بحق
مانسہرہ: (دنیا نیوز) خیبر پختونخوا کے ضلع مانسہرہ میں جیپ کھائی میں گرنے سے 4افراد جاں بحق ہو گئے۔
پولیس کے مطابق ہولناک حادثہ داتہ کے مقام پر پیش آیا جہاں جیپ بےقابو ہوکر کھائی میں جاگری جس میں سوار ایک ہی خاندان کے 4 افراد موقع پر ہی دم توڑ گئے جب کہ 5 افراد شدید زخمی ہوئے۔
دوسری جانب پولیس کا مزید کہنا تھا مرنے والے افراد اور زخمی تعزیت کے بعد غازی کوٹ واپس آ رہے تھے کہ حادثے کا شکار ہو گئے، تمام لاشوں اور زخمی کو شاہ عبداللہ تدریسی ہسپتال منتقل کردیا گیا، جہاں زخمیوں کا علاج معالجہ جاری ہے۔
