آزاد جموں و کشمیر میں بارشوں اور برفباری کا الرٹ جاری
مظفرآباد: (دنیا نیوز) ایس ڈی ایم اے کی جانب سے آزاد جموں و کشمیر میں بارشوں اور برفباری کا الرٹ جاری کر دیا گیا۔
ایس ڈی ایم اے کے مطابق 20 جنوری سے 23 جنوری تک میدانی علاقوں میں بارش اور برفباری کا امکان ہے۔
الرٹ کے مطابق بالائی علاقوں میں برفباری سے شاہراہوں پر لینڈ سلائیڈنگ اور پھسلن کا خدشہ ہے، ایسی صورتحال میں سیاح احتیاطی تدابیر اپنائیں۔
ایس ڈی ایم اے نے ہدایت کی ہے کہ سیاح اور مسافر بارشوں اور برفباری کے دوران بالائی علاقوں کے غیر ضروری سفر سے اجتناب برتیں۔
