ایران اسرائیل کشیدگی، 65 مزید افراد پاکستان پہنچ گئے
کوئٹہ: (دنیا نیوز) ایران میں مقیم پاکستانیوں کی وطن واپسی کا سلسلہ 51 ویں روز بھی جاری رہا۔
حکام کے مطابق گبد ریمدان بارڈر کے ذریعے آج 65 افراد وطن واپس پہنچے ہیں، گبد ریمدان بارڈر کے ذریعے اب تک مجموعی طور پر 3300 افراد پاکستان پہنچے ہیں۔
28 فروری سے اب تک تفتان بارڈر پر 10 ہزار 619 افراد پاکستان پہنچے ہیں، 28 فروری سے اب تک گبد ریمدان اور تفتان بارڈر کے ذریعے 13919 افراد وطن واپس پہنچے۔
حکام کے مطابق ایران سے پاکستان پہنچنے والوں میں مزدور، بزنس مین، طلبہ، زائرین، سی مین اور ایران کے رہائشی شامل ہیں۔
حکام کے مطابق پاکستان آنے والے تمام افراد کی کلیئرنس، دستاویزات کی جانچ پڑتال اور بروقت امیگریشن یقینی بنائی جا رہی ہے۔
