سینیگال میں تارکین وطن کی کشتی ڈوبنے سے 26 افراد ہلاک
![](https://img.dunyanews.tv/news/2024/September/09-11-24/news_big_images/836679_43906126.jpg)
ڈاکار: (ویب ڈیسک ) سینیگال میں تارکین وطن کی کشتی ڈوبنے سے 26 افراد ہلاک اورکشتی پر سوار متعدد افراد لاپتا ہوگئے۔
برطانوی نشریاتی ادارے کی رپورٹ کے مطابق حادثے کا شکار ہونے والی کشتی سینیگال کے دارالحکومت سے 80 کلومیٹر دور ایمبور شہر سے 100 سے زائد مسافروں کو لیکر روانہ ہوئی تھی جو صرف 4 کلومیٹر آگے جاکر ڈوب گئی۔
رپورٹ کے مطابق مچھلی کے شکار کیلئے استعمال ہونے والی کشتی تارکین وطن کو سپین کے کینری جزیرے کی طرف روانہ ہوئی تھی، کشتی پر سوار مسافروں میں اکثریت نوجوانوں کی تھی جو بہتر مستقبل کی تلاش میں غیرقانونی طریقے سے سپین میں داخل ہونے کے خواہشمند تھے۔
کشتی پر سینیگال کے شہریوں کے علاوہ گائنی، موریطانیہ اور گیمبیا کے شہری بھی سوار تھے۔
حکام کے مطابق کشتی پر سوار 100 افراد میں سے 26 ہلاک ہوگئے ہیں، جبکہ 4 افراد کو بچا لیا گیا ہے.
لاپتا افراد کی تلاش کیلئے ریسکیو آپریشن جاری ہے جبکہ واقعے کی تحقیقات کا بھی آغاز کردیا گیا۔