چھان بین کے بعد ٹرمپ کے خط کا جواب دیں گے: ترجمان ایرانی وزارت خارجہ
تہران: (دنیا نیوز) ترجمان ایرانی وزارت خارجہ اسماعیل بغائی نے کہا ہے کہ ایران چھان بین کے بعد ٹرمپ کے خط کا جواب دے گا۔
ترجمان ایرانی وزارت خارجہ کے مطابق ٹرمپ کے خط کا سیاق و سباق اس سے مختلف نہیں ہے جو امریکی صدر نے عوامی طور پر کہا، تہران:امریکا کا اپنے وعدوں کی پاسداری سے متعلق ریکارڈ خراب ہے۔
اسماعیل بغائی نے کہا کہ امریکا مذاکرات کو سیاسی اور پروپیگنڈے کے آلے کے طور پر استعمال کرنا چاہتا ہے۔
خبر ایجنس کے مطابق ایرانی سپریم لیڈر اور صدر نے پہلے ہی ٹرمپ کے خط کو دھوکہ قرار دیا ہے، امریکی صدر ٹرمپ نے 7 مارچ کو ایرانی سپریم لیڈر کو خط بھیجنے کا بتایا تھا۔
