آج کا پکوان: مچھلی کے کوفتے
اجزاء: مچھلی 250گرام، نمک حسب ذائقہ، ادرک لہسن پسا ہوا ایک چائے کا چمچ، پیاز ایک عدد درمیانی، آلو ابلا ہوا ایک عدد، کالی مرچ پسی ہوئی آدھا چائے کا چمچ، ہری مرچیں چار سے چھ عدد، ہرا دھنیا باریک کٹا ہوا دو کھانے کے چمچ، انڈا ایک عدد، ڈبل روٹی کا سلائس ایک عدد، کوکنگ آئل حسب ضرورت۔
ترکیب: بغیر کانٹے کی مچھلی کو صاف دھو کر اس پر نمک چھڑکیں اور ڈھک کر درمیانی آنچ پر اتنی دیر پکائیں کہ مچھلی کا اپنا پانی خشک ہو جائے۔ آلو کو مچھلی کے ساتھ ملا کر میش کر لیں اور اس میں ادرک لہسن، کش کی ہوئی پیاز، کاٹی مرچ، ہری مرچ اور ہرا دھنیا ڈال کر ملا لیں۔انڈے کو ہلکا سا پھینٹ کر اس میں چورا کی ہوئی ڈبل روٹی کا سلائس ڈال کر ملائیں اور مچھلی کے مکسچر میں ملا کر چھوٹے چھوٹے کوفتے بنا لیں۔ انہیں نیم گرم کوکنگ آئل میں سنہری فرائی کرکے نکال لیں۔ ان کوفتوں کی گریوی تیار کرنے کیلئے تین سے چار کھانے کے چمچ کوکنگ میں کڑی پتے ڈال کر گرم کریں اور اس میں ایک چاٹے کا چمچ ادرک لہسن پسا ہوا نمک ایک کھانے کا چمچ پسی ہوئی لال مرچ، ایک کھانے کا چمچ پسا ہوا دھنیا، آدھا چائے کا چمچ ہلدی ڈال کر پانی کا چھینٹا دیتے ہوئے بھونیں۔ پھر اس میں آدھی پیالی کو کونٹ ملک، دو کھانے کے چمچ، لیموں کا رس اور دو سے تین کھانے کے چمچ فرائی کی ہوئی پیاز میں ڈال کر ملائیں اور ہلکی آنچ پر دم پر رکھ دیں۔ پانچ سے سات منٹ پکانے کے بعد اس میں فرائی کئے ہوئے کوفتے ڈال کر پین کو کپڑے سے پکڑ کر ہلالیں اور چولہے سے اتار لیں۔
