ذرامسکرائیے
جج: اگر تم نے جھوٹ بولا تو جانتے ہو کہ کیا ہوگا؟ ملزم: جی میں جہنم کی آگ میں جلوں گا۔ جج: اور اگر سچ بولو گے تو؟ملزم: میں یہ مقدمہ ہار جائوں گا۔٭٭٭
ایک خاتون’’مسز قادری سے میرا تعارف تو نہیں مگر میں ان کے بارے میں جانتی ہوں‘‘
دوسری خاتون’’ وہ کیسے؟‘‘
پہلی خاتون’’ہماری نوکرانی پہلے انہی کے ہاں کام کیا کرتی تھی نا‘‘۔
٭٭٭
دوست(دوسرے سے) ’’اچھا بھئی یہ تو بتائو کہ سب سے زیادہ کتابوں کا مصنف کون ہے
’’واہ یہ بھی کوئی مشکل بات ہے۔ سب سے زیادہ کتابوں کا مصنف تو ختم شد ہے۔ تب ہی تو ہر کتاب کے آخر پر لکھا ہوتا ہے‘‘۔
٭٭٭
بیٹا(باپ سے) ابو مجھے صبح پانچ روپے دینا‘‘
باپ’’ وہ کس لئے؟‘‘
بیٹا’’ بات دراصل یہ ہے کہ آج میں سکول ذرا لیٹ گیا تھا‘‘
باپ’’ ارے کم بخت میں نے تمہیں سکول لیٹنے کیلئے بھیجا ہے یا پڑھنے کیلئے‘‘۔
٭٭٭
استاد( شاگرد سے)’’بتائو اندھا کسے کہتے ہیں‘‘؟
شاگرد’’ جس کی آنکھیں نہ ہوں‘‘۔
استاد:’’اچھا یہ بتائو کانا کسے کہتے ہیں‘‘؟
شاگرد: ’’جس کے کان نہ ہوں‘‘۔
…٭٭…
