جھوٹ بولنے والا طوطا
بچو آپ نے بولنے والے طوطے کے بارے میں تو کئی مرتبہ سنا ہوگا۔ آئیں آج آپ کو ایک جھوٹ بولنے والے طوطے کی کہانی سناتے ہیں۔
کسی زمانے میں جنگل میں بکبک نامی طوطا ہوا کرتا تھا۔ وہ جھوٹا تھا اور جنگل کے دوسرے پرندوں اور جانوروں کے سامنے بہت جھوٹ بولتا تھا۔وہ جب پرندوں میں جاتا تو کہتا کہ میں گاؤں جاتا ہوں۔ وہاں بہت سی مٹھائیاں اور پکوان کھاتا ہوں۔ جب کبھی وہ جنگل کے جانوروں کے پاس جاتا تو کہتا کہ میں عقاب سے اونچا اڑ سکتا ہوں اور میں نے بہت سارے ممالک کا سفر کیا ہے۔اس کی ان حرکات کی وجہ سے سارا جنگل جان چکا تھا کہ وہ بہت جھوٹا ہے۔
ایک دن ایک بہت خوبصورت کبوتر جنگل میں پہنچا۔ سارے پرندے اسے دیکھنے آئے۔ بکبک طوطا بھی اس سے ملنے آیا تھا۔ کبوتر کو دیکھ کر طوطے نے کہا کہ آپ گپ شپ کررہے ہیں۔
یہ سن کر کبوتر بولا ، میں تمھارے بارے میں ہی دریافت کر رہا تھا۔ اس کے بعد ، طوطے نے اپنی تعریف کرنا شروع کردی کہ باہر کے لوگ بھی مجھے جانتے ہیں۔ میں بہت امیر ہوں میں بہت اچھا کھانا کھاتا ہوں۔ میرے پاس بہت سارے جواہرات ہیں۔ یہ سن کر کبوتر نے کہا میں ایک شاہی نوکر ہوں۔
میں تمہیں اچھی سی دعوت کیلئے بادشاہ کے دربار میں مدعو کرنے آیا تھا لیکن آپ پہلے سے ہی بہتر رہ رہے ہیں۔ اگر آپ اچھی طرح سے کھارہے ہیں تو میں چلا جاتا ہوں۔ طوطے نے یہ سنا تو اس نے کہا کہ میں ابھی تک جھوٹ بول رہا تھا۔ اس کے بعد ، کبوتر نے طوطے کی یہ بات نہیں سنی اور چلا گیا۔ یہ دیکھ کر جنگل کے سارے پرندے اور جانور ہنسنے لگے۔
