رہنمائے گھر داری: قالین کی صفائی ایک چیلنج
![](https://dunya.com.pk/news/ahwalesiyasat_or_mimbromahrab/img/5365_33890757.jpg)
اگر آپ کے قالین پر داغ دھبے لگے ہوئے ہوں تو ذیل میں دیئے گئے طریقوں میں سے کوئی ایک طریقہ استعمال کریںاور داغ دھبوں سے نجات پائیں۔
روشنائی کے دھبے: کپڑے کے ایک ٹکڑے کو گرم پانی میں ڈبو کر قالین کا وہ حصہ صاف کریں، جہاں روشنائی کا دھبا ہے۔ تھوڑی دیر بعد اس جگہ کو تھز سے رگڑ دیں۔ دھبا چند منٹ میں صاف ہو جائے گا۔
تیل اور چکنائی کا داغ: اگر قالین پر تیل اور چکنائی کے داغ پڑ گئے ہوں تو اس جگہ پر نمک، کھانے کا سوڈا اور مکئی کا آٹا لگا دیں۔فوراً ہی نہ رگڑیں بلکہ مذکورہ چیزوں کو جذب ہونے کا وقت دیں، اس کے بعد اسے صاف کر دیں۔
چائے یا کافی کا دھبے: قالین سے چائے یا کافی کے داغ دھبے دور کرنے کیلئے گرم پانی میں سفید سرکہ ملائیں اور اسے دھبوں پر لگا دیں۔ مناسب وقفے کے بعد ٹشو پیپر سے رگڑ کر صاف کر دیں۔ دھبے دور ہو جائیں گے۔
پھلوں کے رس کے داغ: تھوڑی سی شیونگ کریم انگلی پر لگا کر اس جگہ لگا دیں جہاں قالین پر پھل کارس گر گیا ہو ۔تھوڑا وقفہ دے کر اسفنج کے ایک ٹکڑے کو گرم پانی میں ڈبو کر قالین کو صاف کر دیں۔
جانوروں کے پیشاب کے دھبے: جانوروں کا پیشاب خشک ہونے پر نظر نہیں آتا لہٰذا اسے تیز روشنی میں دیکھئے۔ اگر قالین پر کسی پالتو جانور نے پیشاب کر دیا ہو تو جگہ پر چاک سے نشان لگا دیں۔پھر داغ دھبے دور کرنے کیلئے صفائی کے پائوڈر میں گرم پانی ملا کر اسے صاف کر دیں۔ تھوڑی ہی دیر میں قالین چمک اٹھے گا۔
کیچڑ کے داغ: اگر قالین پر کیچڑ کے داغ لگ گئے ہوں تو کیچڑ کے خشک ہونے کا انتظار کریں، اس کے بعد صفائی کے پائوڈر سے ان داغوں کو صاف کر دیں۔ اگر قالین اس کے باوجود صاف نہ ہو تو سوڈا لگا کر صاف کپڑے سے رگڑ ڈالیں۔ یہ عمل اس وقت تک کرتے رہیں جب تک داغ صاف نہ ہو جائیں۔